Juventusi pësoi humbjen e parë të sezonit në të gjitha kompeticionet , duke u mundur nga Lacio 3-1, në një ndeshje ku arbitri ishte jo i qartë dhe me sistemin VAR që gjithashtu luajti një rol në rezultatin përfundimtar.
Duke folur pas ndeshjes, trajneri Maurizio Sarri, nuk u duk i trishtuar për rezultatin, duke deklaruar:
“Mendoj se bëmë një pjesë të parë shumë të mirë, por fatkeqësisht lejuam një gol në përfundim të pjesës. Në atë moment nuk respektuam detyrat tona, sepse Dybala dhe Bernardeschi ishin të pozicionuar gabim, ishte një hutim dhe e pësuam”.
“Për sa i përket kartonit të kuq të, nuk mendoj se ishte një rast i pastër shënimi për Lazzari-n kur Cuadrado ndërhyri ndaj tij pasi topi po shkonte në të djathtë të fushës jo menjëherë drejt portës. Mendoj se kartoni i verdhë ishte më e drejta dhe i kuq është pak i ashpër”.
“Kur ishim 11 me 11 në fushë, ne ishim superiorë dhe kartoni i kuq ndryshoi gjithçka. Ne humbëm ndeshjen, por për të qenë i sinqertë pashë përmirësime në skuadrën time”. – tha Sarri për mediat Italiane
