Inxhineri jep alarmin: Procesi i vlerësimit nuk po bëhet siç duhet (Video)

Në një komunikim për A2 CNN, Edgar Frashëri, inxhinier dhe njëkohësisht ish-anëtar i Këshilli të Rregullimit të Territorit, tha se procesi i vlerësimit nuk po kryhet si duhet, ndërsa shtoi se, tërmeti e kapi shtetin të papërgatitur.

Sipas inxhinierit, ky është një proces afatgjatë dhe duhen shmangur abuzimet.

“Është një fazë shumë e hershme dhe shteti është kapur befas dhe nuk është në gjendje për të bërë vlerësimin e kualifikuar të gjendjes pas tërmetit. Shoh shifra marramendëse që nuk rakordojnë me njëra-tjetrën. Duhet të kemi parasysh që ekspertët e ardhur nga jashtë janë vullnetarë. Ne jemi të zotët e shtëpisë dhe ne duhet t’u vëmë vulën këtyre gjërave.

LEXO EDHE  Rikthehen protestat e studentëve, ja reagimi i deputetes...

Shteti duhet të përgatitet për të sistemuar për periudha ta gjata qytetarët. Organizmat që duhet të merren me këtë punë janë fare të papërgatitura”, u shpreh inxhinieri Edgar Frashëri.