Reali i Madridit ka arritur një fitore komode 2-0 ndaj Espanyolit të vendit të parafundit.
Ndeshja u zhbllokua në fundin e pjesës së parë, ku në minutën e 37-të, Varane bën rolin e një sulmuesi tipik, teksa shfrytëzon një pasim të Benzema dhe arrin të shënojë me të majtën brenda zonës.
Ndërsa në pjesën e dytë, Reali sërish u shfaq dominant në fushë dhe goli i cili vulosi ndeshjen erdhi nga Karim Benzema në minutën e 79-të. Me këtë gol francezi arrin në shifrën e 15 golave sezonal ku 11 i ka shënuar në kampionat.
Me këtë rezultat, Reali, merr përkohësisht kryesimin e tabelës dhe pret rezultatin e ndeshjes mes Barcelonës dhe Mallorca, sfidë që zhvillohet në mbrëmje, ora 21:00.
