Bajerni i Mynihut u mposht me rezultatin 2-1 nga Borussia Mochengladbach në transfertë.
Pjesa e parë u mbyll në barazim pa gola, ndonëse miqtë ishin ekipi superior. Por në pjesën e dytë loja e tyre u shpërblye, pasi në minutën e 49-të, Ivan Perisic me një goditje të fuqishme i dha bavarezëve avantazhin.
Por nuk kishte mbaruar asgjë, pasi në të 60-ën vendasit barazuan shifrat me anë të Bensebaini. Ishte përsëri i njëjti futbollist, i cili realizoi në minutën e 92’ me penallti dhe i dha ekipit të tij një fitore shumë të rëndësishme
Pas 14 javëve, Monchengladbach kryeson kampionatin me 31 pikë ndërsa Bayerni zbret në vendin e gjashtë me shtatë pikë më pak se kryesuesit.
Në sfidat e tjera Dortmundi shkatërroi më shifrat e thella 5-0 Duseldorfin në shtëpi, ndërsa Leipzig fitoi 3-1 ndaj Hoffenheim.
