Gazetari, Dritan Kanapari ka thënë mbrëmjen e sotme në emisionin “Fokus” në Fax News se vendi po kalon në neodiktaturë duke argumentuar se pushteti është i lidhur me krimin.
Kanapari është nga Kavaja i cili para pak vitesh ka pasur presion të madh, madje edhe tentativë për vrasje ç’ka e detyroi të largohet nga Shqipëria.
Gazetari ka hedhur akuza të forta për financimin e politikës në Shqipëri si dhe ka treguar edhe arsyen se përse është dhunuar dhe detyruar të braktiste vendin e tij.
“Kam ikur sepse mua më shembën shtëpinë, pastaj më vendosën bombë për të më terrorizuar familjen, pastaj tentuan të më vrasin. Asnjë televizion nuk foli për mua, as opozita nuk shkruajti asnjë rresht. Këto presione erdhën për shkak të disa shkrimeve të mija që akuzonin Roshin e famshëm por edhe pushtetin qëndror të Ramës. Ka pasur një projekt kriiminal të Ramës për ti marrë qytetet e djathta me banda. Në njërin prej këtyre qytete mu desh të jem edhe unë. Mu desh të shkruaja, të bëja detyrën time qytetare.
E keqja në Shqipëri ka një emër, Xhorxh Soros, ai ka hyrë në Shqipëri që në ’90, madje ka aludime se mund të ketë pasur që në ’80. Ashtu siç jugosllavët mbështetën komunistët në vitet 40. Neobllokmenët e kanë gjetur përkrahësin tjetër, grusht shteti që prodhoi “Koha Jonë” dhe pasi dolën nga aty morën pushtetin. Vodhën pasurinë e shqiptarëve, kanë një raport të tmerrshëm hajnie me pronën publike. Vodhën paratë e firmave dhe i pastruan në bregdet, me anë të të cilave krijuan oligarkët e parë bashkë me pronarët e mediave, me Tanin e Topit, Bilalin në Vizion Plus. Me Ramën kryeminisër dhe Veliajn në krye të bashkisë, Sorosi mund të arrijë planin e tij ogurzi. Kështu ka kapur opozitën, qeverinë, median, reformën në drejtësi. Mbajtjen e pushtetit përmes krimit me blerjen e votës me paratë e drogës. Jemi praktikisht në një neodiktaturë. Që do kapej mbi 90% e mediave shqiptare nuk do të ma merrte mendja kurrë, opozita bën rolin e saj me interesat e saj”, tha Kanapari.
