Një ditë pas marrjes së detyrës dhe pas premtimit se pas situatës së jashtëzakonshme të krijuar nga tërmeti i 26 nëntorit, akuza duhet të rikthejë besimin tek qytetarët, Prokurori i Përgjithshëm Olsian Çela mbërrin në Prokurorinë e Durrësit.
Ishte premtimi i tij i parë për të kryer hetime të hollësishme dhe për të treguar se institucioni i akuzës është në lartësinë e duhur dhe mund të kthejë besimin e munguar tek publiku.
Prokuroria e Durrësit ka nisur hetimit zyrtarisht për dëmet e krijuara nga tërmeti në qindra pallate. Do të hetohet mënyra sesi janë dhënë lejet e ndërtimit, si është zbatuar projekti dhe kush i mori në dorëzim ndërtimet. Qindra pallate janë shkatërruar në sistem dhe qindra te tjera kanë nevojë për shembjen totale të mureve dhe ribërjen nga e para.
Më datë 29.11.2019 Prok. Durrës ka regjistruar çështjen penale që i referohet tërmetit të datës 26.11.2019 ku si pasojë e tij janë shembur një numër ndërtesash që kanë shkaktuar vdekjen e një numri personash. Për këtë dyshohet se pasojat kanë ardhur si shkak i ndërtimeve pa leje dhe të moskryerjes së detyrës nga inxhinierët zbatues dhe personave pergjegjës si dhe nga mospërmbushja e rregullt e detyrës nga nepunësit shtetëror të ngarkuar me mbikqyerjen e këtyre ndërtimeve.
Çështja është regjistruar për veprat penale; “Ndërtim pa leje”, dhe “Shpërdorim detyre”, parashikuar nga nenet 199/a, 3 dhe 248 k.penal.
DENONCO