Bylisi ka arritur një fitore të madhe ndaj kampionëve të Partizanit me rezultatin 2-1.
Vendasit kaluan në avantazh në minutën e 6-të, ku pas goditjes së Ndrecës, topi u devijua nga Belica dhe përfundoi në rrjetë. Partizani reagoi duke barazuar shifrat me Bardhin në minutën e 26-të. Ndërsa goli i fitores për Bylisin erdhi nga sulmuesi Guindo në minutën e 54-t.
Me këtë rezultat, ballshiotët, ngjiten në vendin e dytë në kuotën e 23 pikëve, 2 më pak se Partizani.
Si të mos mjaftonte kjo humbje, trajneri Lerda nuk do të ketë në dispozicion për derbin ndaj Tiranës dy mesfushorët Broja dhe Telushi për shkak kartonësh.
