Olsian Çela zgjidhet Kryeprokuror me 101 vota pro

Olsian Çela u zgjodh në detyrën e Prokurorit të Përgjithshëm. Pro kandidaturës së Çelës votuan 101 deputetë, dy vota kundër dhe 10 ishin abstenim.

Në këto kushte, Olsian Çela është votuar për të drejtuar organin e Prokurorisë së Përgjithshme. Kjo do të thotë se pro Çelajt kanë votuar edhe deputetë të “opozitës së re” apo deputetë të pavarur, po të kihet parasysh se PS ka në Kuvend 74 ligjvënës, PSD 1 dhe PDIU 3.

LEXO EDHE  Tirana në terr/ Ja zonat që nuk do të kenë energji elektrike ditën e enjte

Ndërkohë për kandidaturën e Arta Markut pro votuan vetëm 11 deputetë, 22 kundër dhe 78 abstenuan.

Për kandidaturën e Fatjona Memçaj votuan pro 8 deputetë, 16 kundër dhe 87 abstenuan.

Olsian Çela renditej i pari në listën e vlerësimit nga KLP, ndërsa Arta Marku e dyta.