Gazeta Italiane “Corriere dello Sport” është nën sulm për arsye raciste pasi ditën e sotme kishte vendosur ta hapte sot gazetën me titullin “ Black Friday”, (e premtja e zezë), ndërsa në foto ishin Lukaku dhe mbrojtësi Chris Smalling.
E gjitha kjo referuar ndeshjes së të premtes në Serinë A mes Interit dhe Romës. Komentet negative kanë qenë të shumta, ndërsa ky titull provokativ ka dhënë një mesazh të gabuar. I ashpër ishte edhe reagimi i gazetarit italian Mario Boneti, i cili shprehet i turpëruar me këtë titull.
Futbolli Italian është goditur rëndë nga shfaqja e racizmit, ku shumë futbollistë si Koulibaly, Ballotelli, Moise Kean e shumë të tjerë kanë rënë pre e këtij fenomeni, ndërsa edhe vetë Seria A është kritikuar pasi sipas pretendimeve nuk bën aq sa duhet për ta ndalur fenomenin.
