Ditën e hënë artistja shqiptare me famë ndërkombëtare, Bebe Rexha, vizitoi Shqipërinë. Ajo qëndroi dy ditë radhazi në Shqipëri duke vizituar familjet e prekura nga tërmeti, teksa premtoi rindërtimin e dy shtëpive që ishin në gjendje të mjerueshme. Pas shumë vizitash e një kohe të bukur që kaloi në fshatrat e Shqipërisë Bebe u largua të martën në drejtim të SHBA-së.
Këngëtarja është larguar me përshtypje shumë të mira nga vendi i saj. Bebe shprehet se u impresionua nga mirësjellja dhe mirësia e njerëzve që takoi.
Ndërsa u bëri sërish thirrje njerëzve të ndihmojnë Shqipërinë të kapërcejnë këtë tragjedi, duke u shprehur se e do vendin e saj.
“Dje unë u ktheva nga një udhëtim 2-ditor në Shqipëri për të parë si fillim dëmet nga tërmeti dhe duke u takuar me ata që janë prekur prej tij. Jam shumë e impresionuar nga zemra dhe mirësjellja dhe mirësia e njerëzve atje, si dhe nga çdokush tjetër rreth botës që ka kontribuar. Nuk mundemi t’ju falënderojmë mjaftueshëm. Kemi përzgjedhur dy shtëpi të dëmtuara nga tërmeti për t’i rindërtuar, si fillim. Ju lutem vazhdoni të shpërndani informacionin për këtë tragjedi dhe për ndihmën që ka nevojë Shqipëria. E dua vendin tim. Të dua Shqipëri!”– shkroi Bebe në Instagram.
