Janë mbyllur sfidat e orës 20:30 në Premier League, sfida ku golat dhe spektakli nuk kanë munguar. Ndeshja më e rëndësishme ishte padiskutim ajo mes Manchester United dhe Tottenham Hotspur, rikthim i Jose Mourinhos në “Old Trafford”.
Ky rikthim, ishte i hidhur për strategun portugez, pasi Tottenhami i tij u mposht 2-1. Rashford shënoi dy gola për United, duke i dhënë tri pikë të vyera “Djajve të Kuq”.
Me këtë fitore, United ngjitet në vendin e gjashtë duke zbritur në vend të tetë “Spursat”.
Ndërsa në ndeshjet e tjera, Chelsea ka mposhtur me rezultatin 2-1 ekipin e Aston Villa, ku golat e fitores u shënuan nga Abraham dhe Mount.
Fitore ka regjistruar dhe Leicester, të cilët po përjetojnë një moment fantastik, ku me fitoren e sotme 2-0 ndaj Watford e çojnë në shtatë serinë e fitoreve.
