Lautaro Martinez ka pësuar një rritje të madhe si futbollist në këtë sezon me Interin, duke qenë shumë deciziv për zikaltrit.
Garës për shërbimet e tij përveç Barcelonës që e ndjek prej kohësh i është bashkuar dhe Manchester City. – raporton “Sky Sport Italia”.
Klubi anglez është i gatshëm të paguajë klauzolën e lirimit të lojtarit që është në shifrën e 111 milionë eurove, klauzolë e cila nuk është e vlefshme për klubet e Serisë A por aktivizohet kur klube nga shtete të tjera evropiane interesohen për të.
Gjithsesi Interi nuk qëndron duarkryq, pasi janë duke punuar për kontratën e re me lojtarin, teksa dëshirojnë që partneriteti i tij me Lukakun të vazhdojë dhe në të ardhmen.
