Pasi Lionel Messi fitoi Topi e tij të gjashtë të Artë, mbrumen e djeshme, Giorgio Chiellini doli në mbrojtje të shokut të tij të skuadrës, Cristiano Ronaldo.
Girogio Chiellini pretendon se shoku i skuadrës Cristiano Ronaldo, iu hoq mundësia për të fituar Topin e Artë të gjashtë të tij vitin e kaluar, pasi Real Madrid donte ta ndalonte atë.
Rreth këtyre vendimeve, Chiellini bëri disa komente të forta për “Sky Sports”, duke deklaruar:
“Ronaldo u vodh për Topin e Artë vitin e kaluar, teksa Real Madrid vendosi që ai nuk mund ta fitonte më dhe kjo ishte e çuditshme”.
“Këtë sezon, situata ishte më e balancuar. Me gjithë respektin, Modriç edhe në kulmin e karrierës së tij nuk e meritonte ta fitonte këtë çmim. Ajo ishte një sinjal nga Reali i Madridit, pasi donin ta kufizonin Ronaldon. Fitorja e Modriç vitin e kaluar nuk kishte sensin minimal”. – përfundoi mbrojtësi italian.
