Një 32-vjeçar është plagosur me thikë në Vlorë. Ai është paraqitur në spitalin Rajonal për të marrë mjekim. Dyshimet e policisë janë se është lënduar gjatë një përplasje në një bilardo në lagjen “Isa Boletini”.
Autori i plagosjes nuk është ndaluar ende nga policia.
Burime zyrtare nga policia lokale thanë se “rreth orës 10:54, në Spitalin e Vlorës ka shkuar i dëmtuar me mjet prerës shtetasi E.Sh., 32-vjeç, banues në Vlorë, i cili po merr ndihmë mjekësore. Dyshohet se 32-vjeçari është plagosur në ambientet e një bilardoje në lagjen ‘Isa Boletini’ Vlorë”.
Grupi hetimor po kryen hetimet përkatëse për zbardhjen e ngjarjes si dhe për identifikimin dhe kapjen e autorit, shtuan të njëjtat burime.
