Reshje shiu, shtrëngata, reshje dëbore në zonat malore dhe më pas rritje temperaturash.
Është ky parashikimi i motit nga Shërbimi Meteorologjik Ushtarak për 5 ditët në vijim.
Rritja e temperaturave parashikohet të premten, ndërsa nesër priten reshje shiu në të gjithë vendin, ndërsa në jug edhe shtrëngata.
Prej orëve të mesditës përgjatë lartësive malore e kodrinore në verilindje e lindje reshjet do të kthehen në dëborë.
Reshjet do të ndërpriten gjatë së mërkurës, por duke sjellë rënie të ndjeshme temperaturash, veçanërisht në veri e verilindje, ndihmuar dhe nga era e ftohtë veriore si dhe mjegull e ngrica në zonat malore në orët e mëngjesit.
Në ditët në vijim parashikohen reshje lokale të përkohshme dhe rritje temperaturash.
