Një mjek, i është bashkuar nismës së Aleancës për Mbrojtjen e Teatrit, në ndihmë të familjeve të prekura nga tërmeti i 26 nëntorit që shkaktoi 51 viktima dhe mbi 900 të lënduar e plagosur.
Sikundër raportohet mjeku me inicialet L.B ka porositur dy shtëpi kontenier, duke i mbuluar vetë shpenzimet, të cilat do të vihen në dispozicion të familjeve të prekura nga tërmeti.
Njërën nga shtëpitë portative, mjeku, emri it ë cilit nuk bëhet publik me kërkesë të tij, e vuri në dispozicion të Aleancës për Mbrojtjen e Teatrit për ta ndarë në terren, ndërsa tjetrën do e çojë te një familje, e cila është evidentuar tashmë në Krujë.
“I bëj thirrje Qeverisë Shqiptare të ndërtojë të tilla për qindra familjet e dëmtuara si masë provizore deri në rindërtimin e shtëpive.
Shumë familje e kanë të pamundur të zhvendosen nga banesat pasi kanë bagëti, kanë plaçka e mjete bujqësore si dhe fëmijët në shkolla.
Thirrja u shkon dhe organizatave që kanë mbledhur fonde”, thuhet në një apel drejtuar institucioneve.
