Një sasi tritoli ka shpërthyer në afërsi të një lokali në pronësi të P.F., mëngjesin e sotëm. Sipas informacioneve paraprake, ngjarja ka ndodhur në Bulevardin Zogu i Parë në kryeqytet.
Nga shpërthimi nuk ka persona të lënduar por vetëm dëme të konsiderueshme materiale. Autorët e ngjarjes ende nuk bëhen me dije, por mësohet se policia ka nisur kërkimin e tyre. Grupi Hetimor dhe policia ndodhen në vendngjarje për të bërë të mundur zbardhjen e ngjarjes.
Njoftimi i Policisë
Tiranë
Më datë 01.12.2019, rreth orës 03:40, në Bulevardin Zog i Parë, në afërsi të lokalit me pronësi të shtetasit P.F, ka shpërthyer një sasi e vogël lënde e dyshuar plasëse, ku në momentin e shpërthimit nuk ka pasur pasoja në njerëz por veç dëme materiale.
Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.
