Ditën e sotme në Serinë A luhet raundi i 14-të i kampionatit. Në fushë zbresin kryesuesit e Juventusit, Interi, Milan dhe Napoli.
Juventusi dhe Interi, në letër kanë ndeshje relativisht të lehta ku përballen përkatësisht ndaj Sassuolës, dhe Spalit në shtëpi. Të dyja skuadrat do të kërkojnë fitoret respektive, ku bardhezinjtë nuk duan të lëshojnë kreun ndërsa zikaltërit e Contes nuk dëshirojnë shkëputjen e Juventusit.
Milani luan në transfertën e vështirë të Parmës dhe vjen në këtë ndeshje me vetëm një pikë në tre ndeshjet e fundit.
Mjaft e dobët është dhe situata e Napolit, e cila nuk ka regjistruar asnjë fitore në pesë ndeshjet e fundit. Skuadra e drejtuar nga Carlo Ancelotti, luan në shtëpi ndaj Bolognas, një mundësi e mirë për të marrë një rezultat pozitiv.
