Supersfida e ditës së sotme është ajo mes Atletico Madrid dhe Barcelonës, ndeshje kjo e vlefshme për javën e 14-të, të La Ligës.
Barcelona do të kërkojë të arrijë fitoren e katërt radhazi në të gjitha kompeticionet, dhe të mos lejojë shkëputjen e Real Madrid, e cila me fitoren e djeshme 1-2 në transfertë ndaj Alaves kryeson e vetme kampionatin me tre pikë diferencë nga Barcelona.
Sidoqoftë , “blaugranasit”, nuk do ta kenë aspak të lehtë në “Wanda Metropolitano”, të cilët nga ana e tyre me një fitore do të merrnin vendin e tretë që aktualisht mbahet nga Sevilla.
Ekipi i drejtuar nga Diego Simeone, janë ekipi me mbrojtjen më të mirë të kampionatit, ku kanë pësuar vetëm nëntë gola në 13 javë të luajtura por në fazën ofensive kanë probleme, ku duket se largimi I Griezman ka prishur balancat në këtë aspekt.
Ndeshja luhet sot, ora 21:00.
Formacionet e mundshme:
Atletico Madrid (4-4-2): Oblak; Trippier, Felipe, Hermoso, Lodi; Koke, Partey, Herrera, Niguez; Morata, Felix
Barcelona: (4-3-3): Ter Stegen; Roberto, Umtiti, Pique, Firpo; Vidal, de Jong, Melo; Messi, Suarez, Griezmann
