Liverpool ka arritur një fitore 2-1 mjaft të rëndësishme në shtëpi ndaj Brighton.
Golat e fitores erdhën nga finalisti për Topin e Artë, Virgil Van Dijk, i cili duke shfrytëzuar shtatlartësinë e tij arriti të shënojë dy herë me kokë brenda 6 minutave, në të 18-ën dhe në minutën e 24-ët.
Ndërsa në pjesën e dytë, pas daljes me të kuqe të portierit të Liverpool, Allison, në minutën e 76-të, Brighton shkurton diferencat 3 minuta më vonë. Ndërkohë rezultati nuk do të ndryshonte më duke vulosur shifrat 2-1.
Me këtë fitore, Liverpool shkëputet me 11 pikë nga Manchester City i vendit të dytë, ku “qytetarët” pak orë më parë kishin barazuar ndaj Newcastle.
Tottenham ndërkohë arriti të fitojë me rezultatin 3-2 ndaj Bournemouth, duke u ngjitur në vendin e pestë të renditjes, ndërsa Chelsea humbi ndeshjen e dytë radhazi, kësaj here ndaj West Ham në shtëpi me rezultatin 0-1.
