Moderatori i njohur i skenës shqiptare dhe producenti Ardit Gjebrea ka shfrytëzuar mesazhin për tërheqjen nga konkurimi i këngëtares Besa Kokëdhima nga ‘’Kënga Magjike 2019’’ për të marrë iniciativën ‘’Këndojmë për të ndërtuar’’.
Këngëtarja e njohur paralajmëroi se për shkak të zisë që ka mbuluar vendin si pasojë e tërmetit të fuqishëm që u mori jetën 50 vetave do të tërhiqej nga gara në respekt të viktimave të 26 nëntorit.
Gjebrea i ka kthyer përgjigje në rrjetin social ‘Instagram’ duke bërë njëkohësiht me dije se ky edicion do t’i kushtohet të gjithë viktimave dhe familjeve të prekura nga tërmeti duke çelur nismën ‘’Këndojmë për të ndërtuar’’ të ardhurat e së cilës do të shkojnë për këto familje.
Për këtë nismë ai kërkon pjesëmarrjen e saj dhe të gjithë bashkë do të mund të kontribuojnë për ata që kanë nevojë.
