Në minutat e fundit klubi i Arsenalit, ka shpërndarë një deklaratë në rrjetet sociale ku bën të ditur shkarkimin e trajnerit Unai Emery.
Në deklaratë, drejtori i klubit, Josh Kroenke, falënderon trajnerin Emery dhe stafin e tij për përpjekjet për të rikthyer Arsenalin në nivelet që të gjithë presin.
Deklarata e klubit:
“Njoftojmë sot që është marrë vendimi për të ndarë rrugët me trajnerin tonë Unai Emery dhe ekipin e tij”.
“Falenderimet tona më të sinqerta shkojnë për Unai dhe kolegët e tij, të cilët me një seriozitet të madh u përpoqën për ta rikthyer klubin në nivelet që të gjithë presin dhe që duhet të jetë”.
“I urojmë Emeryt dhe skuadrës së tij sukses në të ardhmen”.
Më tej deklarata e klubit shpjegon se vendimi u mor për shkak të perfomancave dhe rezultateve të pamjaftueshme. Ndërkohë që trajner i përkohshëm është caktuar Freddie Ljungberg.
