Vijojnë kërkimet nga grupet e shpëtimit nën rrënojat e hotel “Mira Mare”, ku dyshohet se ka ende persona nën to.
Dyshimet janë se nën rrënoja mund të jenë edhe dy vajza, që punonin si balerina, të cilat nuk janë gjetur ende.
Në gërmadhat e kësaj ndërtese u nxor i pajetë pasditen e djeshme 41-vjeçari, Sotiraq Misha.
Kërkimet në gërmadha rinisën pasi qentë e grupeve të kërkimit nga Kroacia dhanë sinjalin se nën rrënoja ka ende persona.
Deri më tani 49 persona kanë humbur jetën nga tërmeti 6.4 ballë që goditi Shqipërinë. Grupet e shpëtimit kanë nxjerrë nga rrënojat 45 qytetarë.
