Presidenti Ilir Meta dhe Kryeministri Edi Rama janë bërë bashkë sot në Vlorë, në një ceremoni modeste, me rastin e 28 Nëntorit, Festës së Pavarësisë.
Për shkak të situatës tragjike të krijuar pas tërmetit të 26 nëntorit, ceremonia në Vlorë ka pasur si qëllim nderimin e Flamurit Kombëtar.
“Sot nuk është një ditë për të festuar, por një ditë për të nderuar Flamurin Kombëtar. Te angazhohemi për të shëruar sa më parë të jetë e mundur plagët e shkaktuara nga tërmeti. Të jemi sa më pranë familjeve që kanë humbur të afërmit dhe të dashurit e tyre.
E gjithe politika duhet të jetë gjithmone e bashkuar për çështjet më të rëndësishme të vendit dhe të shtetit”, tha Meta.
