Shumica e njerëzve në ditët e sotme, lidhur dhe me gjendjen shqetësuese që është shpallur në vend për shkak të tërmeteve të njëpasnjëshme, vuajnë nga paniku dhe krizat e tij.
Më poshtë ju sjellim disa këshilla të vlefshme se çfarë duhet të keni parasysh në momentin që keni një sulm paniku:
Nëse keni një sulm paniku ndaloni atë që po bëni, uluni në një vend dhe përqendrohuni në frymëmarrjen tuaj. Merrni frymë thellë përmes hundës dhe shikoni rritjen e kraharorit tuaj. Numëroni shumë ngadalë deri në pesë ndërkohë që ju thithni ajrin dhe bëni të njëjtën gjë kur e nxirrni nga goja juaj. Përsëriteni këtë stërvitje te frymëmarrjes dhjetë herë dhe duhet të filloni të ndjeheni shumë më mirë.
Nëse është e mundur, kërkoni një person të vijë pranë jush për të folur me ju personalisht. Kjo mund t’ju ndihmojë të ndiheni mirë më shpejt. Një këshillë shumë e dobishme për t’u kujtuar kur përjetoni një sulm paniku është të përpiqeni të jeni njohës i mjedisit tuaj dhe çfarë po ndodh në të.
Racionalizimi i ndjenjave tuaja ndihmon shumë që ti merrni sulmet e panikut nën kontroll, ose edhe t’i shkurtoni ato në tërësi. Nëse ndjeni një sulm paniku që po vjen, mbani mend vetëm se sulmet e panikut përbëhen nga emocionet dhe ato nuk mund të ju dëmtojnë vërtet .
Shprehni frikën tek të afërmit, mos e mbani frikën brenda, përkundrazi ju duhet ta ndani atë me njerëzit që ju rrethojnë.
Vazhdoni përditshmërinë pasi është shumë e rëndësishme, që të vazhdoni të shkoni në punë, shkollë apo të bëni aktivitetet që i bëni çdo ditë.
/revistawho.com
