Mbrëmjen e sotme në emisionin “360 Gradë”, në RTV Ora po flitet për fatkeqësitë natyrore që janë të paparashikueshme.
Ish-drejtori i Emergjencave Civile, Shemsi Prençi, bëri një analizë të situatës aktuale.
Pyetje: Si janë drejtuar forcat speciale në terren?
Shemsi Prenci: Në orët e para kishte çoroditje, nuk kishte kompletime në pajisje. Nga mosmenaxhimi i drejtuesve të lartë të strukturave operacionale. Prej tri ditësh ende nuk e kam parë të reagojë shefi i Shtabit të Përgjithshëm, si drejtuesi kryesor i strukturave të armatosura, që janë njëherësh dhe eprorët e grupit të kërkim shpëtimit. Që në orët e para qeveria duhej të shpallte gjendjen e emergjencës. Në orët e para jo vetëm që ishin të papajisur, por dhe pa masa mbrojtëse.
Pyetje: Është e vërtetë që nuk ka pasur as qen kërkimi?
Shemsi Prenci: Forcat tona nuk kanë pasur.
Pyetje: Kushton shumë një qen kërkimi?
Shemsi Prenci: Ne kemi një shkollë të përgatitjes dhe trajnimit të qenve të kërkimit që konsumon një buxhet mbi një milion euro në vit . Strukturat tona edhe pse janë harxhuar shumë fonde, ende nuk janë të përgatitur që, për të shkuar në raste tërmeti ,duhet të shkohet me pajisjet për tërmetin, apo në raste të përmbytjes të shkohet me pajisjet e përmbytjes
