Tërmeti me magnitudë 6.4 të shkallës Rihter, që goditi Shqipërinë mëngjesin e së martës, shkaktoi 40 viktima, ndërsa raportohet se në Thumanë nuk ka informacione për trupa të tjerë në rrënoja, ndërsa në Durrës vijon operacioni.
Nga tërmeti, më i rëndi i 40 viteve të fundit, mbetën të plagosur mbi 600 persona.
Tërmeti i fundit i madh që kishte goditur Shqipërinë ishte ai i 1979, ku mbetën viktima 35 qytetarë dhe u plagosën rreth 170 të tjerë.
Por, tërmeti i 26 nëntorit 2019, edhe pse me magnitudë më të vogël se ai i 40 viteve më parë, shkaktoi më shumë viktima dhe të plagosur.
Durrësi dhe Thumana ishin dy zonat më të goditura, ndërsa pamjet që mbetën pas nga tërmeti shkatërrimtar, janë rrëqethëse.
Momente dramatike, njerëz të përlotur, të tjerë që luten, ekipe shpëtimi që mundohen të largojnë inertet me duar, me shpresën se nga rrënojat mund të nxjerrin qytetarë në jetë.
DENONCO