Derbi mes Partizanit dhe Tiranës e vlefshme për javën e 15-të të Kategorisë Superiore, tashmë merr një kuptim tjetër.
Klubi kampion i Partizanit, i ka paraqitur një kërkesë FSHF-së, që kjo sfidë të luhet në Air Albania Stadium dhe paratë e grumbulluara nga shitja e biletave të shkojnë për të prekurit e tërmetit
Klubi i kuq i ka kërkuar qeverisë së futbollit në Shqipëri, që për këtë shkak të ketë dhe një tolerim për pagesën e qirasë së stadiumit, në mënyrë që e gjithë shuma që do të grumbullohet nga biletat të shkojë për një solidaritet human.
Një mundësi e mirë kjo edhe për njerëzit e thjeshtë që të japin kontributin e tyre duke mbushur stadiumin.
