Europa League luan sot raundin e pestë të ndeshjeve të fazës së grupeve, sfida që do të përcaktojnë shumë për sa i përket skuadrave që pritet të kalojnë në fazën tjetër
Një nga sfidat më të rëndësishme është ajo mes Basaksehir dhe Romës.
Skuadra turke në mënyrë surprizë kryeson grupin J, në kuotën e 7 pikëve, ndërsa ndjekin Borussia Munchengladbach dhe Roma me nga 5 pikë, ndërsa në vendin e fundit është Wolfsberger me 4 pikë.
Duke parë këtë situatë, Roma kërkon vetëm fitoren në këtë ndeshje për të vazhduar më tej aventurën në Europa League.
Situata është e vështirë edhe për Porton, e cila bën pjesë në grupin G, dhe sonte ndeshet me Young Boys. Grupi kryesohet nga Young Boys dhe Rangers me nga 7 pikë, ndërsa ndjekin Feyenoord dhe Porto me në kuotën e 4 pikëve.
Skuadra e Portos duhet të fitojë patjetër këtë takim në transfertë, pasi çdo rezultat tjetër do t’i eliminonte.
Ndërkohë Manchester United luan sot në transfertën e Astanës, ekip i cili nuk ka marrë asnjë pikë në katër ndeshje, duke pësuar plot 14 gola dhe duke shënuar vetëm 1. United do të kërkojë fitoren për të siguruar pozicionin si “koka” e grupit L.
