Interi me fitoren 1-3, ndaj Slavias së Pragës u ngjit në vendin e dytë në grupin F, por kur ka ngelur dhe vetëm 1 ndeshje për tu luajtur, zikaltrit përsëri janë në rrezik eliminimi pasi ndeshjen e fundit e luajnë ndaj Barcelonës.
Por Antonio Conte është pozitiv, teksa në intervistën pas ndeshjes për “Sky Sport Italia”, ai deklaron:
“Sulmuesit ishin decizivë në këtë ndeshje dhe jam shumë i lumtur për ta. Ata luftuan fizikisht me lojtarët kundërshtarë, gjë të cilën nuk e bënë në ndeshjen e kaluar”.
“Mënyra e vetme për të shpresuar për kualifikimin ishte të arrinim një fitore mbrëmjen e sotme dhe e arritëm, tani sfidës ndaj Barcelonës për ndeshjen e fundit të grupit i kemi dhënë kuptim të madh”.
“Jemi shumë të kënaqur , pasi donim që t’i mbanim të gjalla shpresat për kualifikim, dhe kjo është situata tani. Fati ynë është në duart tona.”
