Situata që shkaktoi tërmeti me magnitudë 6.4 ballë, mbrëmjen e së martës detyroi shumë qytetarë të Durrësit dhe banorë të Thumanës e qytete të tjera të prekura, të qëndronin jashtë në çadra. Ministria e Mbrojtjes e ndihmuar edhe nga vende të rajonit e më gjerë, ngritën kampe me çadra në Durrës, Thumanë e Laç. Nga të dhënat zyrtare mësohet se në kampingun e Thumanës dhe pranë objekteve të dëmtuara u ngritën 67 çadra në të cilat janë u akomoduan 700 banorë.
Ndërkohë pranë kampingut të ngritur në qytetin e Durrësit dhe fshatrat Ishëm, Manzë, Sukth dhe Katund i Ri janë ngritur 181 çadra, ku janë akomoduar rreth 1450 banorë, si dhe janë montuar 10 banja fushore.
