Pas shpalljes së gjendjes së jashtëzakonshme vetëm për Tiranën dhe Durrësin, si shkak i tërmetit të fuqishëm që goditi vendin një ditë më parë, ka ardhur një reagim nga avokati Elton Laska, i cili nëpërmjet një postimi në rrjete sociale shprehet se situata është problematike edhe në Kurbin, por askush nuk dëgjon.
Laska e vë theksin në dy viktimat që u shënuan si pasojë e tërmetit të djeshëm, më tej ai shton se 10 pallate janë të dala jashtë funksionit si dhe është dëmtuar rrjeti i ujësjellësit duke bërë që i gjithë Laçi të mbetet pa ujë.
“Banorëve po u vihet në ndihmë me dy qëndra të ngritura nga Bashkia Kurbin, por kjo është krejtësisht e pa mjaftueshme. Çfarë ka më pak Kurbini dhe Kruja për të cilat nuk ka gjendje të jashtëzakonshme?!”-shkruan Laska në Facebook.
Postimi i plotë i Elton Laskës
Për Kurbinin nuk ka gjëndje të jashtëzakonshme!
Termeti i orëve të mëngjesit të datës 26 nëntor në Kurbin shkaktuan 2 viktima, mbi 10 pallate të dala jashtë funksionit, demtimin e rrjetit të ujesjellësit dhe për pasojë lënjen pa furnizim me uje të gjithë Laçit. Si të mos mjaftonte kjo, termetet e vazhdueshme sollen sot edhe shëmbjen pjesërisht të një pallati tjetër në lagjen nr.2 Laç.
Banorëve po u vihet në ndihmë me dy qëndra të ngritura nga Bashkia Kurbin, por kjo është krejtësisht e pa mjaftueshme. Çfarë ka më pak Kurbini dhe Kruja për të cilat nuk ka gjendje të jashtëzakonshme?!
Qytetarët po solidarizohen gjithnjë e më shumë me të prekurit nga fatkeqësia natyrore, por qeveria dikë e shikon si të njerkës në këto ditë të zeza për Shqiptarët.
