“Merr drogë por ka frikë nga hija e vet”/ Mikesha e ‘Zogut të Tiranës’: I përket LGBTI

Shoqja e ngushtë të “Zogut të Tiranës” gjithashtu i njohur si Hermes Nikaj, ka rrëfyer se çfarë ndodhi natën e 23 nëntorit.

Maria, e pranishme në emisionin “Pa gjurmë” ka deklaruar publikisht se Hermes Nikaj i përkiste komunitetit LGBTI dhe i pëlqente shumë që të shoqërohej me vajza pasi kishte të përbashkëta me to.

Në fjalën e saj, Maria ka treguar se si e mori vesh lajmin, dhe pastaj ka shfajësuar shokun e saj duke u shprehur se kurrë nuk është marrë me prostitucion.

PYETJE: Si e morët vesh lajmin?

MARIA: E pashë tek JOQ dhe aty komunikova me të. Mësova të vërtetën kur fola me ta. Hermesi shoqërohet me shumë goca, por është e pamundur që të të detyrojë që të prostituosh. Zogu është femër deri diku jo mashkull. Zogu duket që është një çun…Është jeta e atij. Nuk e gjykojmë dot.

Ai ka jetën e tij private. Hedh poshtë akuzën e policisë. Zogu nëse vinte tek shtëpia ime dhe shkonte ora 6-7 kishte frikë të shkonte në shtëpi, kishte frikë nga hija e vetë. Ai rrinte me goca dhe edhe Zogu ashtu është si gocë. Ishin mbledhur për të pirë lëndë narkotike. Edhe Zogu pi. Unë i di të gjitha zërat e Zogut, më kishte si motër, gjithmonë konsultohej me mua.

***

Vajza e quajtur Maria, ka treguar se ka pasur momente në jetën e tij kur Hermes Nikaj nuk ka pasur të ardhura për të paguar qeranë por asnjëherë nuk i ka shkuar rrugës së prostitucionit. Sipas saj, Hermesi është viktimë e shoqeve të tij, pasi ai vetë kishte vendosur që të mos shoqërohej më me to.

LEXO EDHE  Berisha reagon pas lajmit të BoldNews: Mafia në veprim!

“Zogu mbrohet nga femrat për të mos rënë në sy se kush është. Gjithmonë ruhej që gjasmë kam këtë të dashur, thjesht kjo ka qënë. Nuk ka lidhje Zogu me këtë pjesë. Ai e njeh shumë frikën. Ka shumë frikë ai. I thashë mos u merr më me ato gocat. Më tha motra jam larguar se do të digjem kot. E kishte menduar edhe vetë. Mendoj se i kanë thënë ata: hajde shoku ikim hanë dhe heqim ndonjë vizë, se nuk është për turp. Zogu nuk ka patentë jo më të ketë makinë. Kishte kohë që ngelte pa lekë dhe më thoshte: Të vij të pij një kafe 50 lekë. E ëma qante e i thoshte a do vish ta paguash qeranë. Është gjynah se ka një baba të sëmurë në shtëpi. Mos ta hajë kot burgun Zogu,”- tha në emision Maria.

***

Hermes Nikaj u arrestua bashkë me tre persona të tjerë, përfshirë parukieren Anjeza Bena që është lënë e lirë, pas një hetimi për shfrytëzim dhe ushtrim prostitucioni në qendrat estetike dhe klubet e natës. Nga grupi në të cilin bënte pjesë Nikaj ofrohej edhe shërbimin eskortë dhe seks në grup. Dosja.al mësoi se Nikaj ishte në një dhomë hoteli në autostradë me një 47-vjeçar nga Mamurrasi në momentin që është arrestuar.