Ish-kryeministri Sali Berisha deklaroi këtë të hënë se opozitën po e udhëheq lëvizja popullore që kërkon largimin e kryeministrit Edi Rama.
Në emisionin “360 Gradë”, Berisha u pyet nëse Presidenti Ilir Meta, nisur nga deklaratat e fundit, po paralajmëron një lëvizje të re politike.
“Zoti Meta mund të ketë një pakënaqësi ndaj partive në tërësi pasi nga pozicioni ku ndodhet sigurisht akuzat më të rënda i ka për kreun e meduzës, por ai ka dhe vërejtjet e veta për opozitën. Të kthehemi një moment te opozita. Ça ndodh kur je në opozitë? Në tërësi ti udhëheq por edhe të udhëheqin, opozitën po e udhëheqin tani”, tha Berisha.
“Opozitën po e udhëheqin masat e gjëra të rinjve që po shpërthejnë në studime njëlloj si Nicolae Ceausescu. E pashembullt kjo që ka ndodhur në studimin e vëllezërve Xibraka dhe po shëtit nga stadiumi në stadium si verdikt përfundimtar i Ramës. Po udhëheq populli”, shpjegoi më tej.
“Presidenti po bën kauzën e shtetit jo të opozitës. Në kohën kur vendimi është i tëri në dorën e Meduzës, po lufton ti japë qytetarëve të drejtën të shprehen për gjërat që janë jetike me ta”, tha Berisha.
