Alaudin Malaj, gjyqtar në Gjykatën e Apelit Tiranë, ka zbuluar një ngjarje të rëndë për sigurinë, në emisionin “5 Pyetjet nga Babaramo”.
Gjyqtari deklaroi se roja e familjes së tij u mor peng dhe u kërcënua që të linte detyrën. Ai shtoi se pavarësisht denoncimit në polici, nuk u bë asgjë për zbardhjen e ngjarjes.
“Në 25 korrik një roja i familjes sime është marrë peng te xhamia në Vlorë, në mes të Vlorë nga katër veta në një makinë. I është vënë pistoleta në bark. E kanë shoqëruar në Fier ku e kanë lënë. I kanë thënë vetëm një fjali, ‘mos i mbro më’ për familjen time, ‘se do të gjej belaja’ dhe e kanë lëshuar. Çfarë bëri personi? Erdhi në Vlorë dhe bëri kallëzim në polici. I shkrova mesazh drejtorit të policisë së Vlorës, ‘ke detyrim ligjor ta zbulosh’. Patjetër drejtori e mori përsipër. Por të nesërmen nuk u bë asgjë. Siç rezultoi dhe pas një muaji të këtij veprimi, prindërve të mi iu mor një apartament më dhunë nga grupe të gatshme të policisë. S’janë gjyqtarët ‘Kap Ça të kapësh’. Ata e kanë lidhur detyrën me veprimtarinë e një njeriu të thjeshtë”, tha gjyqtari, i cili është shprehur kundër nismës ligjore anti-KÇK që prezantoi Rama më herët gjatë ditës.
Lexo edhe: Dërgimi i vëllait të Xhafaj në Itali, Malaj: U shkel Ligji, u bë për mbrojtjen e tij
Lexo edhe: “Bomba” e gjyqtarit: Policia falsifikon provat
Lexo edhe: Malaj: Vettingu ka dy standarde, anëtarëve të Gjykatës së Lartë nuk u bëhet vettingu nga KPK
