Policia e Kurbinit gjatë kontrollit të ushtruar në një lokal ka arrestuar një person i cili mbante me vete një armë zjarri tip pistoletë, një krehër me 8 fishekë dhe një sasi lëndë narkotike e dyshuar cannabis sativa.
Personi i vënë në pranga është shtetasi me iniciale M.Xh., 39 vjeç, banues në Fushë-Mamurras, Kurbin.
Materialet hetimore iu referuan Prokurorisë së Rrethit Gjyqësor Kurbin, për veprat penale “Armëmbajtje pa leje” dhe “Prodhimi dhe shitja e narkotikëve”.
