Presidenti Ilir Meta në njërën anë, dhe Kryeministri Edi Rama, i mbështetur nga Rilindja, dhe KED, në anën tjetër janë përfshirë në debate dhe replika në distancë, duke thelluar krizën politike në vend.
Gjithccka nisi pas një tentative të për atë që Kreu i Shtetit e quajti si kapje të Gjykatës Kushtetuese nga ana e Ramës, duke tentuar emërimin e një anëari, duke mos respektuar procedurat në plotësimin e vakancave.
Meta i ka drejtuar një thirrje qytetarëve për të mbështetur mbajtjen e një referendumi që do të zhbënte ndryshimet kushtetuese të 2008-ës, ndërsa Rilindja ka paralajmëruar ndryshime të tjera në Kushtetutë, duke synuar madje ndryshimin e procedurave përsa i takon betimit para Presidentit të Republikës.
Referuar përplasjeve dhe akuzave në distancë, gazeta Mapo ka publikuar një karikaturë, ku shfaqet Rama e Meta në një përballje se kush i ul dorën njëri-tjetrit.
Që nga koha kur Ilir Meta u zgjodh President i Republikës, përplasjet e ditëve të fundit, mes tij dhe mazhorancës së drejtuar nga Rama, kanë arritur kulmin, madje akuza janë drejtuar edhe ndaj disa prej ambasadorëve, që me qëndrimet e tyre kanë dalë ose në krah të qeverisë, ose përdoren nga Rama si një mburojë lidhur me akuzat që i bëhen për kapjen e institucioneve të drejtësisë së re.
