Peter Crouch, Harry Redknapp dhe Martin Keown janë takuar në Londër me rastin e eventit të “Sportsmail”, “A Pint with Piers”, për të folur mbi futbollin.
Në një moment, Crouch, ish-sulmues i Anglisë, tregoi një histori ku tha:
“E bëmë plan me disa prej lojtarëve të Manchester United dhe vendosëm t’i thonim Ronaldos se Messi ishte më i mirë se ai, për ta provokuar e mësuar përgjigjen. Dhe ai tha: “Po, por Messi nuk duket si unë”.
Në biseda, natyrisht, të tre debatuesit janë pyetur se cili është më i mirë, Cristiano Ronaldo apo Leo Messi, aty ku Redknapp, anoi nga Ronaldo.
“Unë jam për Ronaldo, ai qëndron mbi Messi. I dua të dy, por jam për Ronaldo. Aty është edhe Maradona, Pele… George Best ishte një gjeni. Unë jam një admirues i madh i George Best, por kur shikon Ronaldon, atë që ka bërë në skenën botërore… Ai ka fituar gjithçka dhe është thjesht mahnitës”.
Crouch iu përgjigj: “Unë admiroj mentalitetin dhe vendosmërinë tuaj. Por, nëse po flisni për futbollistë të talentuar, nuk ka asnjë krahasim me Messi”.
Keown shtoi: “Unë jam për Messin. Për shkak të mënyrës si luan dhe si e tërheq lojën tek vetja, nuk mendoj se Ronaldo mund ta bëjë këtë”.
