Dy kriminelët më të kërkuar të Europës, janë arrestuar në Bregun e Fildishtë. Ata ishin në arrati prej 23 vitesh, ndërsa akuzohen për vrasjen e një biznesmeni britanik në Belgjikë.
Jean-Claude Lacote, 53 vjeç, dhe partnerja e tij Hilde van Acker, 56 vjeç, u arrestuan në kryeqytetin e Bregut të Fildishtë, Abidjan.
Biznesmeni, Marcus Mitchell, u vra në De Haan në maj 1996 pasi u qëllua dy herë në kokë.
Sipas mediave belge, biznesmeni kishte zbuluar se po mashtrohej.
Lacote, me shtetësi franceze dhe Van Acker, me shtetësi belge, u arrestuan fillimisht, por më vonë u la të lirë për mungesë provash.
Lacote ka jetuar në shtëpi të ndryshme në Afrikën e Jugut. Ai iu ka mbijetuar një sërë kërkesash për ekstradim për në shtetet europiane.
Ai arriti të shpëtojë nga burgu në vitin 2008. Dyshja, të cilët u dënuan në mungesë në vitin 2011 me burgim të përjetshëm për vrasjen e Marcus Mitchell, u dënuan gjithashtu në raste të ndara në Francë dhe Gjermani në vitin 2012.
Lacote, i cili nuk ishte në seancën dëgjimore të vitit 2012, u dënua me pesë vjet burg për mashtrim në një bandë të organizuar, kërcënime me vdekje dhe pjesëmarrje në një shoqatë të kriminelëve, sipas policisë së Bregut të Fildishtë.
