Skena filmi/ Mbrojtësi i Fiorentinës i shpëton rrëmbimit në Beograd

Futbollisti i Fiorentinës u përfshi në një episod të frikshëm ditën e djeshme, ku 2 persona tentuan ta fusin në bagazhin e një makine dhe ta rrëmbejnë.

Lojtari ndodhej në Beograd, pasi u aktivizua me ekipin U21 të Serbisë në sfidën kundër Rusisë U21.

Gazeta serbe, “Blic”, raporton se grabitësit kishin përgatitur një plan thuajse perfekt. Ata fillimisht goditën makinën e 20-vjeçarit për ta nxjerrë jashtë kontrollit, teksa më pas zbritën, shkuan te makina e futbollistit dhe tentuan ta fusnin këtë të fundit në bagazh.

LEXO EDHE  Bayern-Tottenham/ Anglezët përballë "makthit" të ndeshjes së parë

Terziç arriti t’iu shpëtonte nga duart, duke u arratisur me vrap. Pas këtij momenti dy grabitësit kanë marrë mjetin e tyre dhe janë larguar nga vendngjarja.

Futbollisti serb, menjëherë ka lajmëruar policinë, teksa këta të fundit kanë arritur të identifikojnë edhe 2 personat e përfshirë në këtë ngjarje të frikshme.