Duket se pas shkarkimit të Pochettinos nga ana e Tottenham, tekniku argjentinas së shpejti do të rikthehet në drejtimin e një skuadre.
Sipas gazetës angleze “The Sun”, Barcelona është e gatshme të futet në garë me Bajernin e Munihut për të siguruar shërbimet e trajnerit, pasi Ernesto Valverde prej kohësh nuk po bind me rezultatet dhe mënyrën e lojës dhe një largim i tij nga Barcelona nuk do të ishte aspak çudi.
Ndërsa Bayerni i Munihut është prej kohësh në kërkim të një trajneri të përhershëm pas shkarkimit të Nico Kovac në fillim të muajit.
Sipas “The Sun”, më agresive në arritjen e marrëveshjes me trajnerin argjentinas është Barcelona, të cilët e shohin Pochettinon si mjaft të përshtatshëm me filozofinë e tyre të lojës.
