Ministria e Jashtme organizon një konferencë vetëm për Cakajn/ Do të flasë 4 herë në 5 orë

Më 25 nëntor do të organizohet një konferencë me temë “Roli i Shqipërisë në promovimin e interesave të shqiptarëve në hapësirën e Ballkanit Perëndimor”.

Konferenca organizohet nga Ministria për Europën dhe Punët e Jashtme që zyrtarisht drejtohet nga Edi Rama, që ka postin e ministrit, por që de fakto drejtohet nga Gent Cakaj, të cilit Rama i ka deleguar detyrën.

Cakaj në dokumentin e publikuar preferon të mbajë titullin SHTZ, që zakonisht përdoret për Presidentë, Kryeministra apo ministra të Jashtëm, ndërkohë që ai zyrtarisht është një prej zv.ministrave të Qeverisë.

Ajo që bie në sy është fakti se folësi i vetëm i konferencës është pikërisht Cakaj, që zyrtarisht mban postin e zv.ministrit të Jashtëm.

LEXO EDHE  Ikja masive/ 23 mijë shqiptarë kërkuan azil në BE në vitin 2019, arrijnë në 200 mijë në 8 vitet e fundit

Sipas agjendës, konferenca çelet me një fjalim të Cakajt, në orën 09:00, pak minuta më pas ai merr prapë fjalën, në përfundim të së cilës mund të ketë ndërhyrje deri në 5 minuta.

Në sesionin e dytë, sërisht Gent Cakaj është folës kryesor, vijojnë 5 minuta diskutime, dhe prapë del Cakaj që mban fjalën përmbyllëse.

Pra në një konferencë që zgjat rreth 6 orë, do të ketë vetëm 10 minuta diskutime, një pushim 30 minutësh, dhe pjesën tjetër të kohës e ka Gent Cakaj.

Nuk dihet se për çfarë mund të ligjërojë Cakaj për mbi 5 orë, por në përfundim të saj mund të themi “doni më për Belulin…”.