Një shqiptar u arrestua nga policia italiane në Bolzano me akuzën e trafikut të lëndëve narkotike. Shqiptari, 39 vjeç, u vu në pranga pasi policia i bllokoi një sasi kokaine në automjetin e tij. Vlera e drogës së sekuestruar kap shifrën e 40 mijë eurove.
Shqiptari, që po drejtonte një automjet në autostradën Bolzano Sud, u ndalua për kontroll nga një postobllok policie. Atij iu gjetën 1500 euro cash, ndërsa dyshimet për një kontroll të imtësishëm, erdhën pasi kishte të instaluar në makinë një radio.
Pikërisht këtu, shqiptari kishte menduar të fshihte edhe lëndën narkotike. Policia arrestoi shqiptarin në kushtet e flagrancës, ndërsa pas verifikimeve rezultoi se ai është arrestuar edhe më parë për çështje të trafikut të narkotikëve.
