Sekretarja e Përgjithshme e PDIU-së, Mesila Doda, ka reaguar sot për Ambasadorët, që kanë mbajtur pozicione të njëanshme apo përkrahin Kryeministrin Edi Rama.
“Kjo mazhorancë tenton gjithmonë që të bëjë një lojë të fshehtë, një lloj loje nën rrogoz dhe në fund të thotë jo unë jam krejt në rregull se kam ndërkombëtarët me vete dhe ka këtë përfaqësinë e ambasadorëve që janë bërë si grup i gatshëm në ndihmë për Kryeministrin”, u shpreh Doda në “Top Talk”.
Duke ironizuar qëndrimet e disa prej ndërkombëtarëve, ish-deputetja shprehet se kur lexon ndonjëherë raportet e tyre të duket sikur jeton në një Shqipëri tjetër, jo në këtë realen.
Ndërsa lidhur me qëndrimin e Presidentit të Francës, Emmanuel Macron, Doda shprehet se nuk mund të mendosh që ai është naiv, pse thotë, kryeni reformat reale për vendin.
“Macroni është jashtë lojës, kurse këta janë brenda?”, shtoi Doda.
Reagimi i Sekretares së Përgjithshme të PDIU vjen në një kohë kur nga Presidenti Meta është shpallur si “person i padëshiruar” Ambasadori i OSBE-së në Tiranë, Bernd Borchardt, ndërsa diplomatë të tjerë janë kritikuar për qëndrimet e tyre pro qeverisë, dhe nuk thonë asnjë fjalë kur qeveria dhunon të drejtat e qytetarëve.
