Të gjithe mafiozët e qeverise dhe skllevërit diplomatikë, si pjesë e borderosë së saj, janë pushtuar nga makthi se dështuan të kapin Gjykatën Kushtetuese.
Deklarata e fortë është bërë nga nënkryetari i LSI-së, Petrit Vasili, sipas të cilit përgjegjësia për palaçollëkun e mashtrimit me vendimet e KED bie vetëm mbi Kryetarin.
Në një postim në rrjet, Vasili shkruan se tentativa mafioze e Kryetarit të KED për të rrëmbyer të drejtën e zgjedhjes dhe për detyruar Presidentin të shkelte Kushtetutën duke zgjedhur njëherazi dy anëtarë të Gjykatës Kushtetutese nuk ka shfajësim në Botë, përveç përballjes me drejtësinë.
“KED ka urdhëruar të zbatohet ligji dhe vendimet të publikohen në faqen zyrtare të Gjykatës së Lartë, ndërsa Dvorani është në funksion të puçit të kapjes kriminale të Gjykatës Kushtetuese.
Këta nuk i duan anëtarët e Gjykatës Kushtetuese as me integritet dhe as që të kenë mbaruar magjistraturën, por vetëm ata që s’kanë marrë provimin dhe që janë “krenarë” se betohen buzë Lanës.
Këta i duan anëtarët e Kushtetueses dele si deputetët e gjysmë-Kuvendit të shndërruar në Landfill.
Koha e mafiozeve qeveritarë dhe skllevërve diplomatikë ka mbaruar tani flet Kushtetuta e Shqipërisë sovrane”, shkruan Vasili.
