Presidenti Ilir Meta ka vijua me deklaratat e tij në emisionin “Open” se një grup ambasadorësh në vend i shërben kryeministrit Edi Rama.
“Mesazhet ja u çon (Endri) Fuga, del njëri me porosi thotë një gjë, del tjetri thotë një gjë tjetër, kur ka dështime dalin ambasadorët dhe mbrojnë qeverinë dhe ata (qeveria) thonë: a i dëgjuat ambasadorët”, u shpreh Meta.
Kreu i shtetit tha se kjo duket edhe te deklaratat e ambasadorëve kundër Presidentit të Francës Emanuel Makron, pas vendimit të krerëve të vendeve të BE-së, që nuk hapën negociatat me Shqipërinë.
“Kur e takova Markon më tha: S’jam unë ‘bad gay’ (djali i keq) dhe bëra më të mirën për Shqipërinë”, tha Meta, i cili më herët gjatë emisionit deklaroi se qeveria ka dështuar në përmbushjen e detyrave për të merituar hapjen e negociatave.
Kreu i shtetit deklaroi dënoi gjithashtu heshtjen e ambasadorëve kur anëtares së Gjykatës Kushtetuese, Vitore Tusha, iu bë shantazh nga ish-ministri Fatmir Xhafaj për të dhënë dorëheqjen si anëtare e Kushtetueses.
“Xhafaj i bënte presion, ndërkombëtarët duhet të kishin reaguar, po të kishte dhënë dorëheqjen ajo, do ishte mbyllur fare Gjykata Kushtetuese”, tha Meta.
