Policia Rrugore ka vijuar kontrollet në aksin Tiran-Elbasan dhe anasjelltas lidhur me respektimin e rregullave të qarkullimit nga drejtuesit e mjeteve.
Në kë aks janë regjistruar disa aksidente të rënda, ku ka pasur edhe viktima, ndërsa në javën e fundit 135 drejtues mjetesh kanë humbur patentat.
Në kontrollin e fundit, disa nga shkrepjet e shpejtësi-matësit kanë shënuar nga 158-173 km/h.
“Vetëm për të fituar disa sekonda më shumë drejt destinacionit të tyre, që nëse diçka me mjetin apo me rrugën shkon keq, me një shpejtësi të tillë, mund të jetë dhe udhëtimi i fundit.
Vajza dhe djem, etja për shpejtësi duhet limituar në raport me dispozitat ligjore, shkelja e të cilave, veç rrezikut permanent për ju dhe të tjerët, do ju penalizojë duke ju lënë pa leje drejtimi për një kohë të gjatë, pasi policia do jetë aty, për të parandaluar aksidentet rrugore që vijnë si pasojë e shpejtësisë dhe çmendurisë në rrugë.
# NdajKujdesuPërVeten
#RespektoRregullat”, thuhet në njoftimin e policisë në rrjetet sociale.
