Sfida Kosovë-Angli luhet sot, ora 18:00 në stadiumin “Fadil Vokrri” në Prishtinë. Sfidë kjo më e rëndësishmja në historinë e përfaqësueses më të re europiane të futbollit.
Përfaqësuesja e Kosovës i ka humbur gjasat matematikore për t’u kualifikuar përmes kësaj rruge, pasi ka mbetur prapa dy vendeve të para në renditje në Grupin A, të cilat i kanë zënë “Tre Luanët” dhe Republika Çeke.
Prandaj, ndeshja kundër Anglisë është një përballje prestigji me gjigantin evropian të futbollit, porse do t’i shërbejë skuadrës dhe trajnerit Bernard Challandes, si një parapërgatitje para ndeshjes ndaj Maqedonisë së Veriut (që zhvillohet në muajin mars në kuadër të Ligës së Evropës).
Prishtina dhe e gjithë Kosova do të përjetojë një mbrëmje të paharruar të futbollit, për të mbyllur një cikël të jashtëzakonshëm kualifikuesesh, që edhe pse nuk sollën kualifikimin e “Dardanëve” në Europian, i ka konfirmuar ata një realitet i bukur në sytë e opinionit sportiv.
