Drejtonte automjetin pa patentë, por i gjenden në makinë edhe dy doza me kokainë, arrestohet 24-vjeçari.
Policia rrugore ka ndaluar një automjet për një kontroll rutinë, por ka rezultuar se drejtuesi i tij, nuk kishte patentë.
Më pas, kontrolli i ushtruar në makinë ka zbuluar edhe dy doza me kokainë, të cilat kanë rënduar pozitat e shtetasit V.D, 24 vjeç, banues në Lushnje.
Ai u arrestua në kushtet e flagrancës nga efektivët e rrugores, të cilët kanë bllokuar edhe automjetin tip Toyota.
