Historiani dhe shkrimtari Jusuf Buxhovi shprehet se Edi Rama po tradhëton Kosovën, ndërsa shprehet se as Enver Hoxha nuk do e bënte një gjë të tillë.
“Unë nuk besoj se Enver Hoxha do të tradhtonte Kosovën në këtë mënyrë. Ose nuk do të na anashkalonte Kosovën si po vepron Rama”, u shpreh Buxhovi në emisionin “Personale” në RTV Dukagjini.
Duke folur për historinë e trojeve shqiptare, historiani ka komentuar profilet e një sërë personaliteteve shqiptare, duke analizuar sjelljen e diktatorit Hoxha me atë të kryeministrit Edi Rama.
Ai ka kujtuar takimin që kishte mbajtur Enver Hoxha me Titon në Novi Sad në vitin 1986 dhe atë që zhvilloi Edi Rama me Aleksandar Vuçiç po në Novi Sad, pak javë më parë.
“Dallimi është shumë i madh. Edhe Enveri edhe Tito ishin udhëheqës legjitim. Sot Shqipëria dhe Serbia ndeshen në një konstalacion tjetër ku Moska dëshiron të ndikojë në rajon në dëm të Aleancës Veri-Atlantike”, thekson ai.
Historiani thotë se Tito në atë kohë kishte njohur autonominë e Kosovës, ndërsa sot Rama po e anashkalon Kosovën.
“Ky është një veprim anti-historik. Nuk e di si do të vepronte Enver Hoxha në atë kohë po të ishte Kosova shtet i pavarur”, theksoi Buxhovi.
